ننګرهار؛ سپين غر ولسوالۍ کې د اتو لوبډلو ترمنځ د ټېپ بال کرېکټ سیالۍ پیل شوې
د ننګرهار ولایت د بدني روزنې او ورزش ریاست اړوند د ټېپ بال کرېکټ فدراسیون د استازولۍ له لوري د ياد ولایت په سپین غر ولسوالۍ کې د اتو لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د سپین غر سټار او سولې اتلانو لوبډلو ترمنځ ترسره شوه. د لوبې پچه سپین غر سټار لوبډلې وګټله او لومړی یې توپوهنه وکړه، چې په ټاکليو لسو اورونو کې یې د یوې ویکټې په زیان خپلې سیالې لوبډلې ته د ١٧٠ منډو هدف وټاکه. سولې اتلانو لوبډلې د هدف په تعقیب کې ١٠٤ منډې وکړې او د ٦٥ منډو په توپیر یې لوبه وبایلله.
دا سیالۍ د ځوانانو ترمنځ د یووالي او د نظام د ملاتړ په موخه پیل شوي دي، چې ٢٦ ورځې به دوام وکړي.
