ننګرهار؛ سره رود ولسوالۍ کې د ۱۰۰ ورزشکارانو ترمنځ د پهلواني سیالۍ ترسره شوې
د ننګرهار ولایت د بدڼي روزنې او ورزش ریاست اړوند د پهلواني فدراسیون د استازولي له لوري د یاد ولایت په سره رود ولسوالۍ کې د ۱۰۰ ورزشکارانو ترمنځ د پهلواني سیالۍ ترسره شوې.
دغه سیالۍ د نویو ځوانانو، ځوانانو او لویانو ورزشکارانو په عمري کټګوریو کې ترسره شوې، چې په پای کې یې ۵۰ تنو خپلو سیالیانو ته په ماتې ورکولو سره بریاوې خپلې کړې.
دا سیالۍ ورزش ته د ځوانانو د هڅولو په موخه ترسره شوې، چې یوه ورځ یې دوام وکړ.
