ننګرهار؛ سره رود ولسوالۍ کې د پهلوانۍ تشویقي سیالۍ ترسره شوې
د ننګرهار ولایت د بدني روزنې او ورزش ریاست او پهلوانۍ فدراسیون په همغږۍ د استاد شاکر شاه سلېمان خېل په یاد، د ۸۰ ورزشکارانو ترمنځ د پهلوانۍ تشویقي سیالۍ ترسره شوې.
په دغو سیالیو کې د ننګرهار ولایت په کچه له ټولو کلبونو څخه ۸۰ ورزشکارانو ګډون کړی و، چې په پایله کې له سیالیو وروسته ۶۰ ورزشکارانو بریا تر لاسه کړه او سیالۍ یې وګټلې.
هېره دې نه وي چې دغو سیالیو دوه ورځې دوام وکړ او ګټونکو ورزشکارانو ته ستاینلیکونه ورکړل شول.
