ننګرهار؛ روداتو ولسوالۍ کې د ١٦ لوبډلو ترمنځ د ټېپ بال کرېکټ سیالۍ پای ته ورسېدې
د ننګرهار ولایت د بدني روزنې او ورزش ریاست اړوند د ټېپ بال کرېکټ فدراسیون د استازولۍ له لوري د ياد ولايت په روداتو ولسوالۍ کې د ١٦ لوبډلو ترمنځ د ټېپ بال کرېکټ سیالۍ د انصاف لوبډلې په اتلولي پای ته ورسېدې.
د یادو سیالیو پایلوبه د لمر او انصاف لوبډلو ترمنځ ترسره شوه. د لوبې پچه انصاف لوبډلې وګټله او لومړی یې توپ وهنه وکړه، چې په ټاکلو لسو اورونو کې یې د څلورو ویکټو په زیان خپلې سیالې لوبډلې ته د ١٧٦ منډو هدف وټاکه. لمر لوبډلې د هدف په تعقیب کې د شپږو ویکټو په زیان ١٤٠ منډې وکړې او د ٣٥ منډو په توپیر یې لوبه وبایلله.
دا سیالۍ د ځوانانو ترمنځ د یووالي په موخه ترسره شوې، چې ١٥ ورځې یې دوام وکړ.
