ننګرهار؛ روداتو ولسوالۍ کې د شپږو ښوونیزو مرکزونو ترمنځ د ټېپ بال کرېکټ سیالۍ پیل شوې
د ننګرهار ولایت د بدني روزنې او ورزش ریاست له لوري د یاد ولایت په روداتو ولسوالۍ کې د ښوونیزو مرکزونو شپږو لوبډلو ترمنځ د ټېپ بال کرېکټ سیالۍ پیل شوې، چې یوه میاشت به دوام وکړي.
د یادو سیالیو لومړۍ لوبه کې پرمختګ ښوونیز مرکز لوبډلې د ۴۹ منډو په توپیر خپلې سیالې اخلاق ښوونیز مرکز لوبډلې ته ماتې ورکړه او د سیالیو لومړۍ بریا یې خپله کړه.
