ننګرهار؛ د ښېوې ولسوالۍ د ټېپ بال کرکټ سیالیو اتلولي د خېوې مرکزي لوبډلې خپله کړه
د ننګرهار ولایت د بدني روزنې او ورزش ریاست په همکارۍ د کوز کونړ په ښېوه ولسوالۍ کې د ۳۰ لوبډلو ترمنځ د ټېپ بال کرکټ سیالیو اتلولي د ښېوې مرکزي لوبډلې خپله کړه.
د دغو سیالیو پایلوبې ته ښېوې مرکزي او شامل لوبډلې لار موندلې وه، په پیل کې شامل لوبډلې توپوهنه وکړه او سیالې لوبډلې ته یې په ټاکلو لسو اورونو کې د پنځو لوبغاړو په زیان ۱۱۹ منډې هدف کېښود، بل لوري ښېوې مرکزي لوبډلې یاد هدف د لوبې په اووم اور کې د ۳ لوبغاړو په سوځېدو پوره کړ او د دغو سیالیو اتلولي یې خپله کړه.
د یادونې وړ ده، چې د دغو سیالیو موخه د کوز کونړ منتخبې لوبډلې جوړول و او ۱۷ ورځې یې دوام وکړ.
هېره دې نه وي چې یادو سیالیو غوره لوبغاړی عادل شیګوال شو، چې په خپلو څلورو لوبو کې یې ۲۵۳ منډې جوړې کړې.
