ننګرهار؛ د تکواندو ولسواليو جام سيالۍ د خوږياڼيو لوبډلې په اتلولۍ پای ته ورسېدې
د ننګرهار ولايت د بدني روزنې او ورزش رياست په همکارۍ، د تکواندو فدراسيون له خوا، د شپږمې ناحيې اړوند جمنازيوم کې د تکواندو جام سياليو په نوم د تکواندو سيالۍ وشوې.
دغو سياليو کې له خوږياڼو، حصارک، سره رود، بټي کوټ، رودات، غني خېل، کابل کمپ او مومند درې څخه ۸۰ ورزشکارانو ګډون کړی و.
د يادو سياليو په پايله کې د خوږياڼو ولسوالۍ اړوند شاهين کلب له ۱۱ برياوو سره لومړی مقام او حصارک له ۴ برياوو سره د دويم مقام ګټونکی شو.
دغه سيالۍ په درې عمري کټګوريو کې ترسره شوې او يو ورځ يې دوام وکړ.
