ننګرهار؛ د بهسودو ولسوالۍ په دامان سیمه کې د کین شن کان کراټې سیالۍ او نندارې ترسره شوې
د ننګرهار ولایت د بهسودو ولسوالۍ اړوند په دامان سیمه کې د ۱۰ جوړو ورزشکارانو ترمنځ د د کین شن کان کراټې سیالۍ ترسره او په زړه پورې نندارې وړاندې شوې.
په دې سیالیو کې د ننګرهار د بدني روزنې او ورزش رئیس عبدالسلام وزیروال، دکراټې فدراسیون مشر خان محمدکاکړ، کین شن کان کراټې مشاور هاشم دانشیار، مخورو او ورزش ګڼ شمېر مینوالو برخه اخیستې وه.
د ننګرهار د ورزش ریاست مشر عبدالسلام وزیروال ورزشکارانو ته په خپلو خبرو کې دغه سیالۍ ورزش ته د ځوانانو د هڅولو ښه بېلګه وبلله او په ورزشي ډګر کې د شته ستونزو د حل ډاډ یې ورکړ.
د یادو سیالیو او نمایشاتو موخه ورزش ته د ځوانانو هڅول وو.
په پای کې د مسؤولینو له لوري ورزشکارانو ته مډالونه او ستاینلیکونه هم ورکړل شول.
