ننګرهار؛ بټي کوټ ولسوالۍ کې د ۱۶ لوبډلو ترمنځ د ټېپ بال کرکټ سیالۍ د باسول استقلال لوبډلې په اتلولۍ پای ته ورسېدې
د ننګرهار ولایت د بدني روزنې او سپورټ ریاست له لوري په بټي کوټ ولسوالۍ کې د ۱۶ لوبډلو ترمنځ د ټېپ بال کرکټ سیالۍ د باسوال استقلال لوبډلې په اتلولۍ پای ته ورسېدې.
د دغو سیالیو پایلوبه کې د نوي لښتي لوبډلې په ټاکلو لس اورونو کې د ۶ لوبغاړو دلاسه ورکولو سره د ۱۰۸ منډو هدف وټاکلو، چې په مقابل کې د باسول استقلال لوبډلې وکولای شول یاد هدف په ۵ اورونو کې پرته له کوم لوبغاړي دلاسه ورکولو پوره او اتلولي یې په خپل نوم کړه.
د یادو سیالیو موخه ځوانانو ترمنځ یووالی رامنځته کول او ورزش ته یې هڅوول و.
د سیالیو په پای کې غوره لوبډلې ته کپ او غوره لوبغاړو ته چمتو شوي مډالونه ورکړل شول.
