ننګرهار؛ بټي کوټ ولسوالۍ کې د ٢٨ لوبډلو ترمنځ د ټېپ بال کرېکټ سیالۍ پیل شوې
د ننګرهار ولایت د بدني روزنې او ورزش ریاست اړوند د ټېپ بال کرېکټ فدراسیون د استازولۍ له لوري د ياد ولایت په بټي کوټ ولسوالۍ کې د ٢٨ لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د غونډۍ اتلانو او ګرداب سټار لوبډلو ترمنځ ترسره شوه. د لوبې پچه ګرداب سټار لوبډلې وګټله او لومړی یې توپوهنه وکړه، چې په ټاکلو لسو اورونو کې یې د شپږو ویکټو په زیان خپلې سیالې لوبډلې ته د ١٣٣ منډو هدف وټاکه. غونډۍ اتلانو لوبډلې د هدف په تعقیب کې د اتو ویکټو په زیان ١٢٣ منډې وکړې او د نهو منډو په توپیر یې لوبه وبایلله.
دا سیالۍ د ځوانانو لپاره د سالمې تفرېح برابرولو په موخه پیل شوي دي، چې ٢٠ ورځې به دوام وکړي.
