ننګرهار؛ بټي کوټ ولسوالۍ کې د امنیتي ځواکونو په ملاتړ د ۳۰ لوبډلو ترمنځ د ټېپ بال کرکټ سیالۍ پیل شوې
د ننګرهار ولایت د بدني روزنې او ورزش ریاست اړوند د ټېپ بال کرکټ فدراسیون له لوري د یاد ولایت په بټي کوټ ولسوالۍ کې د ۳۰ لوبډلو ترمنځ د ټېپ بال کرکټ سیالۍ پیل شوې.
د یادو سیالیو لومړۍ لوبه د بهارمېنې او کابل کمپ لوبډلو ترمنځ ترسره شوه، چې بهارمېنې لوبډلې د لوبې د پچې په ګټلو سره د توپ وهنې پرېکړه وکړه او په ټاکلو لسو اورونو کې یې د څلورو لوبغاړو په له لاسه ورکولو سره مقابلې لوبډلې د ۱۸۱ منډو هدف وټاکه. د کابل کمپ لوبډلې د هدف په تعقیب کې د خپلو ټولو لوبغاړو په له لاسه ورکولو سره یوازې ۹۴ مندې وکړې او لوبه یې د ۸۶ منډو په توپیر وبایلله.
یادې سیالۍ د هېواد د امنیتي ځواکونو له لاسته راوړنو څخه د ملاتړ په موخه پیل شوې دي چې یوه میاشت به دوام وکړي.
