ننګرهار؛ اچین ولسوالۍ کې د ٤٠ لوبډلو ترمنځ د ټېپ بال کرېکټ سیالۍ پیل شوې
د ننګرهار ولایت د بدني روزنې او ورزش ریاست اړوند د ټېپ بال کرېکټ فدراسیون د استازولۍ له لوري د ياد ولايت په اچین ولسوالۍ کې د ٤٠ لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د مارکو ځوانانو او الفتح لېسې لوبډلو ترمنځ ترسره شوه. د لوبې پچه الفتح لېسې لوبډلې وګټله او لومړی یې توپ وهنه وکړه. چې په ټاکلو لسو اورونو کې یې د اتو ویکټو په زیان خپلې سیالې لوبډلې ته د ٩٦ منډو هدف وټاکه. مارکو ځوانانو لوبډلې ټاکلی هدف د اوو ویکټو په زیان د لوبې په اتمړاور کې ترلاسه کړ او د درېیوو ویکټو په توپیر یې د سیالیو لومړۍ بریا خپله کړه.
دا سیالۍ ورزش ته د ځوانانو د هڅولو په موخه پیل شوي دي، چې یوه نیمه میاشت به دوام وکړي.
