ننګرهار، په دوربابا ولسوالۍ کې د تیږې اچونې سیالۍ وشوې
د ننګرهار ولایت د بدني روزنې او ورزش ریاست اړوند د دودېزو لوبو مدیريت په لارښونو او همغږۍ په دوربابا ولسوالۍ کې د اتحاد او ودان لوبډلو ترمنځ د تیږې اچونې سیالۍ ترسره وشوې.
په یادو سیالیو کې د اتحاد او ودان لوبډلو څخه لس تنه ورزشکارانو برخه اخیستې وه، چې د اتحاد لوبډلې د لسو نمرو په ترلاسه کولو سره د یادو سیالو لومړی مقام ترلاسه کړ.
د یادو سیالیو د ترسره کېدو موخه د دودېزو لوبو بیا را ژوندي کېدل او رواجول وه.
