مېدان وردگ؛ سياب ځواک لوبډلې د واليبال خزاني سياليو اتلولي وگټله
د مېدان وردگو د بدني روزنې او سپورټ آمريت اړوند، د چک ولسوالۍ په سياب درې کې، د ۱۲ لوبډلو تر منځ د واليبال سيالۍ د سیاب ځواک لوبډلې په اتلولۍ پای ته ورسېدې.
د دغو سياليو پايلوبه د سياب ځواک او ښکلا لوبډلو تر منځ ترسره شوه، چې ۳/۲ مېدانونو په توپير سياب ځواک لوبډلې وگټله او د يادو سیالیو اتلولي يې په خپل نوم کړه.
د يادو سياليو موخه، واليبال لوبې ته وده ورکول ښودل شوي و، چې شاوخوا دوې اونۍ يې دوام وکر.
په پای کې لومړي او دويم مقام گټونکو لوبډلو ته کپونه ورکړل شول.
