میدان وردگ؛ سيدآباد ولسوالۍ کې د ټېپ بال کرېکټ سیالۍ پای ته ورسېدې
د ميدان وردگ ولایت د بدني روزنې او ورزش آمريت په همغږۍ، د ټېپ بال کرېکټ فدراسیون د استازولۍ له لوري د سيدآباد ولسوالۍ په هفت اسياب کلي کې د ۳۵ لوبډلو ترمنځ د ټېپ بال کرېکټ سیالۍ د غازي محمد جان خان لوبډلې په اتلولۍ پای ته ورسېدې.
د يادو سياليو پايلوبه د غازي محمد جان خان او منگلي لوبډلو ترمنځ وشوه، د لوبې پچه منگلي لوبډلې وگټله او لومړی يې د توپ وهنې پرېکړه وکړه، چې په ټاکلو ۶ اورونو کې يې خپلې سيالې لوبډلې ته د ۶۰ منډو هدف کېښود، په ځواب کې غازي محمد جان خان لوبډلې ياد هدف د لوبې په ۵م اور کې ترلاسه کړ او اتلولي يې وگټله.
