میدان وردګ چک ولسوالۍ کې د غشي ويشتلو سیالۍ وشوې
د میدان وردګ ولایت په چک ولسوالۍ کې د کوبه کلي ادم خېلو او خواجه انګور د لوبډلو ترمنځ د غشي ويشتلو سیالۍ وشوې.
دغې سیالۍ چې د يوې ورځې په اږدو کې پای ته ورسېدې، دواړو لوبډلو ښه لوبه وکړه او په پای کې د ادم خېلو لوبډله په دې وتوانېده چې د خواجه انګور لوبډلې ته يې د یوې (۱) نمرې په توپیر ماتې ورکړې او د دې سیالۍ اتلولي يې وګتله.
یاده دې وي چې د دې سیالۍ په پای کې د دواړو لوبډلو غوره لوبغاړو ته د لا زیاتې هڅونې په موخه د میدان وردک ولایت د بدني روزنې او ورزش د امر له لوري ستاینلیکونه هم ورکړل شول.
