میدان وردګ؛ په چک ولسوالۍ کې د ۳۵ لوبډلو ترمنځ د واليبال اختريزې سيالۍ پيل شوې
د میدان وردګو ولایت د بدني روزنې او ورزش آمریت اړوند د چک ولسوالۍ ورزشي کمېټې په لارښونه او همغږۍ د يادې ولسوالۍ په سیاب دره کې د ۳۵ لوبډلو ترمنځ د اختریز جام په نوم د والیبال اختريزې سيالۍ پيل شوې.
د یادو سیالیو د پیل لوبه د ښکلا او سیاب اتلانولوبډلو تر منځ ترسره شوه، چې په پايله کې ښکلا لوبډلې د ۲-۰ میدانونو په توپير بريا خپله کړه.
هېره دې نه وي، چې د دغو سياليو موخه د ځوانانو ترمنځ د يووالي فضا رامنځته کول ياد شوي دي.
