میدان وردګ؛ په چک ولسوالۍ کې د غشي ویشتلو سیالۍ ترسره شوې
د میدان وردګ ولایت د بدني روزنې او ورزش امریت په همغږۍ په چک ولسوالۍ کې د دوو کلیوو محمد یار خېلو او بابا قلعې د لوبډلو ترمنځ د غشي ویشتلو دودیزې سیالۍ ترسره شوې.
د دغه سیالیو په لومړۍ لوبه کې محمد یارخېلو لوبډلې خپلې سیالۍ د بابا قلعې لوبډلې ته د ۸۳-۷۶ نومرو په توپیر ماتې ورکړه او همدارنګه په دویمه لوبه کې یو ځل بیا محمد یارخېلو لوبډلې بریا ترلاسه کړه او سیالې لوبډلې ته یې د ۱۰۲-۷۵ نومرو په توپیر ماتې ورکړه.
هېره دې نه وي، چې د دغو سیالیو په پای کې غوره غشي ویشتونکو ته د یاد ولایت د ورزشي مسوولینو له لوري کپونه او ستاینلیکونه ورکړل شول .
