میدان وردګ؛ په بهسود ولسوالۍ کې د ۲۵ لوبغاړو ترمنځ د تېږې اچونې او لاس چپه کولو سیالۍ ترسره شوې
د میدان وردګو ولایت د بدني روزنې او ورزش امریت اړوند د ملي او دودیزو لوبو د مدیریت له لوري د یاد ولایت مرکزي بهسود ولسوالۍ کې د ۲۰ لوبغاړو ترمنځ د تېږې اچونې او لاس چپه کولو سیالۍ ترسره شوې.
د دغو سیالیو د تیږې اچونې په برخه کې حاجي محمد علي لومړی، عوض علي دویم او رضا درېیم مقام ترلاسه کړ او د لاس چپه کولو په برخه کې بیا سید جاوید لومړی، فیضی اقا دویم او سید محسن درېیم مقام ترلاسه کړ.
دغه سیالۍ، چې موخه يې د ملي او دودیزو لوبو راژوندي کول او وده ورکول وو پای کې غوره لوبغاړو ته د یاد ولایت د ورزشي امریت د استازو له لوري مډالونو او ستاینلیکونو ورکړل شول.
