میدان وردګ؛ په بهسودو ولسوالۍ کې د وزلوبې ژمنۍ سیالۍ پیل شوې
د ميدان وردګو ولايت د بدني روزنې او ورزش امريت او وزلوبې فدراسيون په همکارۍ د بهسودو اوله برخه ولسوالۍ کې د څلور لوبډلو ترمنځ د وزلوبې ژمنۍ سيالۍ پیل او ترسره شوې.
د دغو سياليو د پیل په مراسمو کې د ياد ولايت ورزشي مسوولينو، امنيتي چارواکو، ورزشکارانو او د ورزش ګڼو مينوالو ګډون کړی و.
یادې سیالۍ د عدالت او وحدت لوبډلو ترمنځ ترسره شوې چې په پایله کې عدالت لوبډلې خپلې سیالې لوبډلې ته د ۳-۲ نومرو په توپير ماتې ورکړه او بریا یې خپله کړه.
په دغو سياليو کې عدالت، وحدت، کوه بيرون او مرکز بهسود لوبډلو برخه لرله.
هېره دې نه وي چې دغه سیالۍ د وزلوبې سیالیو لومړۍ ژمنۍ سیالۍ وې او له دې وروسته به هره اوونۍ یادې سیالۍ ترسره کېږي.
