میدان وردګ؛ مرکز میدان ښار کې د ١١٠ ورزشکارانو ترمنځ د سوک وهنې څلورم پړاو ټاکنیزې سیالۍ ترسره شوې
د میدان وردګ ولایت د بدني روزنې او ورزش آمریت اړوند د سوک وهنې فدراسیون د استازولۍ له لوري د ياد ولايت په مرکز میدان ښار کې د ١١٠ ورزشکارانو ترمنځ د سوک وهنې څلورم پړاو ټاکنیزې سیالۍ ترسره شوې.
دا سیالۍ د نویو ځوانانو، ځوانانو او لويانو ورزشکارانو په عمري کټګوریو کې ترسره شوې، چې په پای کې یې ١٣ تنه د ياد ولايت د سوک وهنې ټاکنیزې لوبډلې ته وټاکل شول.
دا سیالۍ د سوک وهنې د غوره لوبغاړو د موندلو په موخه ترسره شوې، چې دوې ورځې یې دوام وکړ.
