میدان وردګ؛ مرکز میدانښار کې د شپږو لوبډلو ترمنځ د والیبال سیالۍ پای ته ورسېدې
د میدان وردګ ولایت د بدني روزنې او ورزش امریت اړوند د والیبال فدراسیون د استازولۍ له لوری د یاد ولایت مرکز میدانښار په ورزشي جمنازیوم کې د شپږو لوبډلو ترمنځ د والیبال سیالۍ د جلرېز منتخبې لوبډلې په اتلولۍ پای ته ورسېدې.
د یادو سیالیو د پایلوبه د ځواک میدان ښار او جلریز منتخبې لوبډلو ترمنځ ترسره شوه، چې په پایله کې یې جلریز منتخبې لوبډلې ۱/۳میدانونو په توپیر خپلې سیالې لوبډلې ته ماتې ورکړه او اتلولي یې وګټله.
دا سیالۍ د ورزشکارانو ترمنځ د یووالي په موخه ترسره شوې، چې دوې ورځې یې دوام وکړ.
