میدان وردګ؛ مرکزی زندان کې د والیبال سیالۍ پیل شوې
د میدان وردګو ولایت د بدني روزنې او ورزش آمریت او د زندان د ښوونې او روزنې آمریت په ګډه همکاري د شپږو لوبډلو ترمنځ والیبال تشویقي سیالۍ پیل شوې.
د دغو سیالیو لومړۍ لوبه د بندیانو او نظامي پرسونل لوبډلو ترمنځ ترسره شوه، چې بندیانو لوبډلې د ۲-۰ میدانونو په توپیر خپلې سیالې لوبډلې ته ماتې ورکړه.
یادې سیالۍ د بندیانو د ښې روغتیا او روحیې په موخه پیل شوي دي، چې د میدان وردګو ولایت د ورزشي آمریت له لوري ورسره د جال، کپ او توپونو مرسته وشوه.
