میدان وردګ؛ جلګې ولسوالۍ کې د ۱۴ لوبډلو ترمنځ د والیبال سیالۍ پای ته ورسېدې
د میدان وردګ ولایت د بدني روزنې او ورزش آمریت اړوند د والیبال فدراسیون د استازولۍ له لوري د یاد ولایت په جلګې ولسوالۍ کې د والیبال سیالۍ د چنګې اتحاد لوبډلې په اتلولي پای ته ورسېدې.
د دغوسیالیو په پایلوبه کې چنګې اتحاد لوبډلې د ۳/۰ میدانونو په توپیر خپلې سیالې قریب الرحمن لوبډلې ته ماتې ورکړه او د سیالیو اتلولي یې وګټله.
دا سیالۍ د ورزشکارانو ترمنځ د یووالي او د والیبال د ودې په موخه ترسره شوې، چې درې ورځې یې دوام وکړ.
