میدان وردګ؛ بند چک کې د ټېپ بال کرکټ سیالۍ د مخلص بند چک لوبډلې په بریا ختمې شوې
د میدان وردګ ولایت د بدني روزنې او ورزش امریت له لوري د بند چک ولسوالۍ په انبو خاک دره کې د ۳۰ لوبډلو ترمنځ د ټېپ بال کرکټ سیالۍ د مخلص بند چک لوبډلې په اتلولۍ پای ته ورسېدې.
د دغو سیالیو پایلوبه کې د السنګ ټایګرز لوبډلې خپلې سیالې مخلص بند چک لوبډلې ته په ټاکلو اتو اورونو کې د ۱۰۸ منډو هدف وټاکه په مقابل کې مخلص بند چک لوبډلې یاد هدف په اووه اورونو کې د څلورو لوبغاړو له لاسه ورکولو سره پوره او اتلولي یې خپله کړه.
د سیالیو په پای کې غوره لوبغاړو ته ستاینلیکونه ورکړل شول.
