ميدان وردگ؛ چک لوبډلې د اختریز جام په نوم د غشو ويشتلو سياليو اتلولي وگټله
د ميدان وردگ ولايت د بدني روزنې او ورزش امريت او د چک ولسوالۍ ورزشي کمېټې په گډه همکارۍ په چک بند سيمه کې د ۱۴ لوبډلو ترمنځ د اختریز جام په نوم د غشو ويشتلو سيالۍ د چک لوبډلې په اتلولۍ پای ته ورسېدې.
د يادو سياليو پايلوبه د چک او محمد يارخېلو لوبډلو ترمنځ ترسره شوه، چې په پايله کې چک لوبډلې سيالې لوبډلې ته ۴۰/۴۳ نمرو په توپير ماتې ورکړه او اتلولي يې خپله کړه.
د دغو سياليو غوره لوبغاړی د بلاق لوبډلې نه مشفق وټاکل شو، چې له نورو ښه ځلیدلی و.
هېره دې نه وي، چې چهارشنيې لوبډلې د يادو سياليو درېيم مقام په خپل نوم کړ.
