ميدان وردگ؛ نرخ ولسوالۍ کې د ۲۵ ورزشکارانو ترمنځ د قوت الرمي سيالۍ وشوې
د ميدان وردگ ولايت د بدني روزنې او ورزش آمريت اړوند د قوت الرمي فدراسيون د استازولۍ له لوري د نرخ ولسوالۍ په عمر خېل دره کې د ۲۵ ورزشکارانو ترمنځ د لومړي ځل لپاره د قوت الرمي سياليو ترمنځ د يادې رشتې ورزشي نندارې هم ترسره شوې.
د يادو سیالیو چې يوه ورځ يې دوام وکړ، په پايله کې يې اميد لومړی، اسماعيل دويم او روح الله بيا درېيم مقام خپل کړ.
د ويلو وړ ده، چې د دغو سیالیو موخه د قوت الرمي ورزش ته وده ورکول، د يادې ولسوالۍ وگړو لپاره د يوې سالمې تفريح برابرول او له نشه يي توکو څخه د ځوانانو ليری والی وو.
