ميدان وردگ؛ مرکز ميدان ښار کې د ۲۲ ورزشکارانو ترمنځ د لاس چپه کولو سيالۍ ترسره شوې
د ميدان وردگ ولايت د بدني روزنې او سپورټ آمريت اړوند د ملي او دوديزو لوبو مديريت له لوري په ميدان ښار کې د موج قدرت او استاد رفيع الله کلبونو د ۲۲ ورزشکارانو ترمنځ د لاس چپه کولو سيالۍ ترسره شوې.
دغه سيالۍ، چې يوه ورځ يې دوام وکړ، په پايله کې د موج قدرت کلب ورزشکارانو لومړی مقام ترلاسه کړ.
د يادو سياليو موخه ملي او دوديزو لوبو ته وده ورکول او ورزش ته د سيمه ييزو خلکو هڅول ياد شوي وو.
