ميدان وردگ؛ جلرېز ولسوالۍ کې د واليبال سيالۍ پای ته ورسېدې
د ميدان وردگ ولایت د بدني روزنې او ورزش آمريت په همغږۍ، د واليبال فدراسيون د استازولۍ له لوري د ياد ولايت په جلریز ولسوالۍ کې د ۳۴ لوبډلو ترمنځ د واليبال سيالۍ د جلرېز منتخبې لوبډلې په اتلولۍ پای ته ورسېدې.
د يادو سياليو په پايلوبه کې جلرېز منتخبې لوبډلې خپلې سيالې زيولات لوبډلې ته د ۳ پر ۱ ميدان په توپیر ماتې ورکړه او اتلولي يې وگټله.
دا سيالۍ واليبال ورزش ته د ودې ورکولو په موخه وشوې او پنځه ورځې يې دوام وکړ.
