ميدان وردگ؛ جغتو ولسوالۍ کې د نيزه وهنې سیالۍ وشوې
د ميدان وردگ ولایت د بدني روزنې او ورزش آمريت په همغږۍ، د نيزه وهنې، وزلوبې او سيمه ييزو لوبو فدراسيون د استازولۍ له لوري د ياد ولايت په جغتو ولسوالۍ کې د درېيو لوبډلو ترمنځ د نيزه وهنې سیالۍ وشوې.
په دغو سياليو کې پر جغتو ولسوالۍ سربيره د غزني قره باغ او غزني لوبډلو گډون کړی وو، چې په پايله کې غزني قره باغ لوبډلې لومړی مقام خپل کړ.
يادو سياليو دوې ورځې دوام وکړ او په پای کې لومړي مقام گټونکې لوبډلې ته يو عراده موټرسایکل ورکړل شو.
