ميدان وردگ؛ اتحاد ځواک لوبډلې د اختريز جام په نوم د واليبال سياليو اتلولي وگټله
د ميدان وردگ ولايت د بدني روزنې او سپورټ امريت اړوند د واليبال فدراسيون د استازولۍ له لوري د جلگې ولسوالۍ بابک کلي کې د ۳۰ لوبډلو ترمنځ د اختريز جام په نوم د واليبال سيالۍ د اتحاد ځواک لوبډلې په اتلولۍ پای ته ورسېدې.
د يادو سياليو په پايلوبه کې اتحاد ځواک لوبډلې سيالې دورانيو لوبډلې ته د ۱/۲ ميدانونو په توپير ماتې ورکړه او بريا يې خپله کړه.
دغه سیالۍ، چې پنځه ورځې يې دوام وکړ، په پای کې لومړي او دويم مقام گټونکو لوبډلو ته کپونه او غوره لوبغاړو ته بېلابېلې چمتو شوې ډالۍ ورکړل شوې.
