ميدان وردګ؛ د سيد اباد ولسوالۍ د واليبال سيالۍ د ادريس ميوند لوبډلې په بريا پای ته ورسېدې
د میدان وردګو ولايت د بدني روزنې او ورزش آمریت او سیدآباد والسوالۍ د ورزشي کمیټې په همغږۍ د يادې ولسوالۍ په شیخ اباد سيمه کې د ۲۲ لوبډلو ترمنځ د واليبال سياليو اتلولي ادريس ميوند لوبډلې خپله کړه.
دغه سيالۍ چې درې اوونۍ يې دوام وکړ، پايلوبې ته يې ادريس ميوند او سبحان الله هاشم خېلو کلي لوبډلو لار موندلې وه، چې په پايله کې ادريس ميوند لوبډلې خپلې سيالې لوبډلې ته د ۲_۱ ميدانونو په توپير ماتې ورکړه او اتلولي يې خپله کړه.
بايد يادونه وشي چې د دغو سياليو په پای کې لومړي او دويم مقام لوبډلو ته کپونه ورکړل شول.
