لوګر کې د ۵۴ ورزشکارانو ترمنځ د سوک وهنې سیالۍ ترسره شوې
د لوګر ولایت د بدني روزنې او ورزش امریت اړوند د سوک وهنې فدراسیون د استازولۍ له لوري د یاد ولایت مرکز پل علم ښار کې د له څلورو کلبونو د ۵۴ ورزشکارانو ترمنځ د رمضان جام په نوم د سوک وهنې سیالۍ ترسره شوې.
دغه سیالۍ د تنکیو ځوانانو، نویو ځوانانو او ځوانانو ورزشکارانو په عمري کټګوریو کې ترسره شوې، چې په پایله کې یې د احسان الله ناک ډاون ورزشى کلب لومړی، باتوران کلب دویم او شاهین کلب درېیم مقام خپل کړ.
دا سیالۍ د سوک وهنې په برخه کې د غوره ورزشکارانو موندلو او له نشه يي توکو څخه د ځوانانو د لرې والي په موخه ترسره شوې، چې یوه ورځ یې دوام وکړ.
