لوګر؛ په محمد آغې ولسوالۍ کې د لسو ټیمونو ترمنځ د فوټبال سیالۍ پیل شوې
د لوګر ولایت د محمد آغې ولسوالۍ په سفید پوشانو ورزشي میدان کې د یاد ولایت د بدني روزنې او ورزش آمریت له لوري د خزاني جام په نوم د لسو غوره لوبډلو ترمنځ د فوټبال سیالۍ پیل شوې.
د سیالیو په لومړۍ لوبه کې اتفاق محمد آغې لوبډلې طوفان محمد آغې ټیم ته د ۰-۲ ګولونو په توپیر ماته ورکړه.
د لوګر ولایت د بدني روزنې او ورزش آمریت له لوري د یادو سیالیو د پیلېدو موخه د ولسوالۍ په کچه د فوټبال لوبې پراختیا، د لوبغاړو ترمنځ یووالی او له نشه یي موادو سره د ځوانانو مبارزه او ترې ځانونه ساتل ښودل شوي دي.
د یادونې وړ ده، چې د فوټبال دا سیالۍ څلور ورځې دوام کوي.
