لوګر؛ پل علم کې د ۲۶ لوبډلو ترمنځ د فوټسال سیالۍ پیل شوې
د لوګر ولایت د بدني روزنې او ورزش آمریت اړوند د فوټسال فدراسیون د استازولي له لوري د یاد ولایت مرکز پل علم ښار اړوند لودین مرکزي جمنازیوم کې د مرکز او ولسوالیو ۲۶ لوبډلو ترمنځ د فوټسال سیالۍ پیل شوې.
د دغو سیالیو لومړۍ لوبه د لوګر ځوانانو او نبر لوګر لوبډلو ترمنځ ترسره شوه، چې ځوانانو لوبډلې د ۶/۱ ګولونو په توپیر سیالې لوبډلې ته ماتې ورکړه او لومړۍ بریا یې خپله کړه.
دغه سیالۍ چې په لوګر کې د فوټسال سیالیو د ودې او د لوبغاړو ترمنځ د یووالي په موخه پیل شوي، یوه نیمه میاشت به دوام وکړي.
