لوګر؛ مرکز پل علم کې د ٣٢ لوبډلو ترمنځ د فوټبال سیالۍ پیل شوې
د لوګر ولایت د بدني روزنې او ورزش آمریت اړوند د فوټبال فدراسیون د استازولي له لوري د ياد ولايت په مرکز پل علم ښار کې د مرکز او ولسواليو د ٣٢ لوبډلو ترمنځ د خزاني جام په نوم د فوټبال ګروپي سیالۍ پیل شوې.
د یادو سیالیو ټولې لوبډلې په څلورو ګروپونو وېشل شوي چې په هر ګروپ کې به څلور لوبډلې له یو بل سره لوبې ترسره کړي چې لومړۍ لوبه د باستان غازي امان الله خان او اتحاد جوانان برکي برک لوبډلو ترمنځ ترسره شوه، چې په پایله کې یې د باستان غازي امین الله خان لوبډلې د ٢ پر یو ګول په توپیر خپلې سیالې لوبډلې ته ماتې ورکړه او د سیالیو لومړۍ بریا یې په خپل نوم کړه.
دغه سيالۍ په لوګر کې د فوټبال د ودې او د ځوانانو ترمنځ د یووالي په موخه پیل شوي دي چې یوه نیمه میاشت به دوام وکړي.
