لوګر؛ مرکز پل علم ښار کې د ۶۴ ورزشکارانو ترمنځ د سوک وهنې سیالۍ ترسره شوې
د لوګر ولایت د بدني روزنې او ورزش امریت اړوند د سوک وهنې فدراسیون د استازولۍ له لوري د یاد ولایت مرکز پل علم ښار اړوند هوني سفلی بازار کې د ۶۴ ورزشکارانو ترمنځ د سوک وهنې دوستانه سیالۍ ترسره شوې.
دا سیالۍ د تنکیو ځوانانو، نویو ځوانانو او ځوانانو ورزشکارانو په عمري کټګوریو کې ترسره شوې، چې په پایله کې یې ناک ډوان کلب لومړی او یارانو کلب دویم مقام خپل کړ.
دا سیالۍ په لوګر کې د سوک وهنې ورزش ته د ودې ورکولو او ورزش ته د ځوانانو د هڅولو په موخه ترسره شوې، چې یوه ورځ یې دوام وکړ او په پای کې غوره ورزشکارانو ته ډالۍ او ستاینلیکونه ورکړل شول.
