لوګر؛ محمد آغې ولسوالۍ کې د ٧٠ ورزش کارانو ترمنځ د کیوکوشین کراټې سیالۍ ترسره شوې
د لوګر ولایت د بدني روزنې او ورزش آمریت اړوند د کیوکوشین کراټې فدراسیون د استازولي له لوري د ياد ولايت په محمد آغې ولسوالۍ کې د څلورو کلبونو د ٧٠ ورزش کارانو ترمنځ د کیوکوشین کراټې سیالۍ ترسره شوې.
په دغو سیالیو کې د سرخ آب، ذاهد آباد، واغجان او چهاراسیاب کلبونو ورزش کارانو ګډون کړی و چې په پایله کې یې د ذاهد آباد کلب لومړی، د سرخ آب کلب دویم او واغجان کلب درېیم مقام ترلاسه کړ.
يادې سیالۍ د ورزشکارانو د تخنیکي کچې لوړولو او د دغه ولایت د ځوانانو ترمنځ د یووالي د رامنځته کولو په موخه ترسره شوې چې یوه ورځ یې دوام وکړ او په پای کې غوره ورزشکارانو ته مډالونه او ستاینلیکونه ورکړل شول.
