لوګر؛ محمدآغې ولسوالۍ کې د والیبال سیالۍ د (لوګر اتلان) لوبډلې په بري پای ته ورسېدې
د لوګر ولایت د بدني روزنې او ورزش آمریت په همغږۍ او د محمد آغې ولسوالۍ د والیبال کمېټې له لوري د یادې ولسوالۍ په غزني خیلو کلي کې د ۲۵ لوبډلو ترمنځ د والییال سیالۍ پای ته ورسیدې.
د یادو سیالیو پایلوبې ته د (لوګر اتلان) او (اتفاق محمداغې) لوبډلو لاره موندلې وه، چې د لوګر اتلانو د ۱/۳ په توپیر د (اتفاق محمداغې) لوبډلې ته ماتې ورکړه او پایلوبه یې وګټله.
یادو سیالیو چې یوه میاشت دوام وکړ، له مرکز پل علم سربېره پکې د ولسوالیو په کچه لوبډلو برخه اخیستې وه، چې موخه يې د لوبغاړو ترمنځ د یووالي او همغږي زیاتول او له نشه یي توکو د ځوانانو ساتنه یاده شوې.
