لوګر؛ خروار ولسوالۍ کې د ١٤ لوبډلو ترمنځ د ټېپ بال کرېکټ سیالۍ پای ته ورسېدې
د لوګر ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت په خروار ولسوالۍ کې د ١٤ لوبډلو ترمنځ د ټېپ بال کرېکټ سیالۍ د قاري عاشق لوبډلې په اتلولي پای ته ورسېدې.
د یادو سیالیو پایلوبه د خروار اتلانو او قاري عاشق لوبډلو ترمنځ ترسره شوه. د لوبې پچه قاري عاشق لوبډلې وګټله او لومړی یې توپوهنه وکړه، چې په ټاکلو لسو اورونو کې یې خپلې سیالې لوبډلې ته د ٢١٧ منډو هدف وټاکه. خروار اتلانو لوبډلې د هدف په تعقیب کې د نهو ویکټو په زیان ١٨٢ منډې وکړې او د ٣٤ منډو په توپیر یې لوبه وبایلله.
دا سیالۍ ورزش ته د ځوانانو د هڅولو او سالمې تفرېح برابرولو په موخه ترسره شوې، چې شل ورځې یې دوام وکړ.
