له ١٧ کلنو کم عمره افغان فوټبال ملي لوبډلې ماکائو ته د ۹ پر صفر ګولونو په توپیر ستره ماتې ورکړه
د ٢٠٢٥ کال د آسیا ملتونو جام سیالیو د مقدماتي لوبو په لړ کې له ١٧ کلنو کم عمره افغان لوبډلې په خپله دویمه لوبه کې ماکائو ته د ۹ پر صفر ګولونو په توپیر ماتې ورکړه او دویم پړاو ته یې لار ومونده.
له ١٧ کلنو کم عمره افغان فوټبال لوبډله څو ورځې وړاندې د ٢٠٢٥ کال د آسیا ملتونو جام سیالیو کې د ګډون په موخه کمبودیا هېواد ته لاړه او ټاکل شوې چې په B ګروپ کې به له ماکائو، بنګله دېش او کمبودیا هېوادونو سره لوبې ترسره کړي.
ټاکل شوې چې دا سیالۍ د روانې اکتوبر میاشتې په ١٩مه نېټه په کمبودیا کې پیل شوې او د همدې میاشتې تر ٢٧مې نېټې پورې به دوام وکړي.
هېره دې نه وي چې تر دې وړاندې افغان لوبډلې فلپینۍ لوبډلې ته د ۹ پر صفر ګولونو په توپیر ماتې ورکړې وه او نن یې په خپله دویمه سیالۍ کې مکائو لوبډلې ته د ۹ پر صفر ګولونو په توپیر ماتې ورکړه او دویمه بریا یې خپله کړه.