لغمان کې د ۸۵ ورزشکارانو ترمنځ د ووشو ټاکنيزې سيالۍ ترسره شوې
د لغمان ولايت د بدني روزنې او ورزش امريت اړوند د ووشو ملي فدراسيون د استازولۍ له لوري د ياد امريت په ۵۰۰ کسيز جمنازيوم کې د ۸۵ ورزشکارانو ترمنځ د لغمان منتخبې لوبډلې ته د غوره لوبغاړو ټاکلو په موخه د نويو ځوانانو، ځوانانو او مشرانو په عمري کټگوريو کې د ووشو ټاکنيزې سيالۍ ترسره شوې.
په دغو سياليو کې له بېلابېلو وزنونو څخه ورزشکارانو گډون کړی وو، چې په پای کې ۳۰ تنه په مشرانو، ۱۱ تنه په ځوانانو او ۱۰ تنه ورزشکاران بيا په نويو ځوانانو کټگوري کې د ياد ولايت منتخبې لوبډلې ته وټاکل شول.
