لغمان کې د ۵۰ ورزشکارانو ترمنځ د موی تای سيالۍ وشوې
د لغمان ولايت د بدني روزنې او ورزش آمريت اړوند د موی تای فدراسيون د استازولۍ له لوري د ياد ولايت په مرکز مهترلام ښار کې د ۵۰ ورزشکارانو ترمنځ د موی تای سيالۍ وشوې.
د يادو سياليو په پايله کې ۲۵ تنو ورزشکارانو خپلو سيالانو ته په ماتې ورکولو سره برياوې خپلې کړې.
دا سيالۍ د ورزشکارانو ترمنځ د سالم رقابت او راتلونکو لوبو ته د لا ښه چمتوالي په موخه وشوې، چې يوه ورځ يې دوام وکړ.
