لغمان کې د ۲۴ لوبډلو ترمنځ د واليبال سيالۍ پای ته ورسېدې
د لغمان ولایت د بدني روزنې او ورزش آمريت اړوند د واليبال فدراسيون د استازولۍ له لوري د مرکز مهترلام ښار په هرمل کلي کې د ۲۴ لوبډلو ترمنځ له نظام څخه د ملاتړ په موخه د واليبال سيالۍ د نالاويو ځوانانو کلب لوبډلې په اتلولۍ پای ته ورسېدې.
د يادو سياليو په پايلوبه کې نالاويو ځوانانو کلب لوبډلې خپلې سيالې هرمل لېسې لوبډلې ته د ۲ پر ۱ ميدانونو په توپير ماتې ورکړه او اتلولي يې په خپل نوم کړه.
د ويلو وړ ده، چې دغو سیالیو دوې اوونۍ دوام وکړ او پای کې لوبډلو ته کپونه، مډالونه او ستاينليکونه ورکړل شول.
