لغمان؛ په مهترلام ښار کې د ۴۰ لوبډلو ترمنځ د واليبال سيالۍ پيل شوې
د لغمان ولايت د بدني روزنې او ورزش امريت اړوند د واليبال فدراسيون د استازولۍ له لوري د مهترلام ښار په ورزشي جمنازيوم کې د ۴۰ لوبډلو ترمنځ د نشه يي توکو پر وړاندې د مبارزې اود ځوانانو يووالي په موخه د واليبال سيالۍ پيل شوې.
دغه سیالۍ چې شاوخوا يوه مياشت به دوام وکړي، په لومړنۍ لوبه کې داوود زي کلب لوبډلې خپلې سيالې خواجه صاحب لوبډلې ته د ۲ پر صفر گولونو په توپير ماتې ورکړه او بريا يې خپله کړه.
