لغمان؛ په علیشنګ ولسوالۍ کې د۲۴ لوبډلو ترمنځ د والیبال سیالۍ پای ته ورسېدې
د لغمان ولايت د بدني روزنې او ورزش امریت اړوند د والیبال فدراسیون د استازولۍ له لوري په سالاب منځ کلي د ۲۴ لوبډلو ترمنځ د والیبال سیاليو اتلولي قلعه خان لوبډلې خپله کړه.
دغه سيالۍ چې ۲۱ ورځې يې دوام وکړ، پايلوبې ته يې قلعه خان او سالاب منځ کلي لوبډلو لار موندلې وه،چې په پايله کې قلعه خان لوبډلې خپلې سيالې لوبډلې ته د ۳_۲ ميدانونو په توپير ماتې ورکړه او اتلولي يې خپله کړه.
هېره دې نه وي چې د دغو سیالیو موخه د نظام څخه ملاتړ او د ځوانانو ترمنځ د یووالي فضا رامنځته کول ياد شوي دي.
په پای کې غوره لوبډلو او لوبغاړو ته کپونه، مډالونه او ستاينليکونه ورکړل شول.
