لغمان؛ په عليشنګ ولسوالۍ کې د ۱۴ لوبډلو ترمنځ د واليبال سيالۍ پای ته ورسېدې
د لغمان ولايت د بدني روزنې او ورزش امریت او واليبال فدراسيون په همغږۍ په علیشنګ ولسوالۍ کې د ۱۴ لوبډلو ترمنځ د واليبال سياليو اتلولي د علینګار ولسوالۍ منتخبې لوبډلې خپله کړه.
د دغو سياليو په پايلوبه کې علینګار ولسوالۍ لوبډلې خپلې سيالې قرغه یي ولسوالۍ لوبډلې ته د ۲ - ۱ ميدانونو په توپير ماتې ورکړه او اتلولي يې خپله کړه.
دغه سيالۍ چې شل ورځې يې دوام وکړ، موخه يې د لغمان ولایت د ولسوالیو په کچه د ورزشکارانو ترمنځ اتفاق او یووالی و.
د يادو سيالو په پای کې غوره لوبډلو او لوبغاړو ته کپونه، مډالونه او توپونه ورکړل شول.
