لغمان؛ په الينگار ولسوالۍ کې د ۴۰ لوبډلو ترمنځ د واليبال سيالۍ پای ته ورسېدې
د لغمان ولايت د بدني روزنې او سپورټ امريت اړوند د واليبال فدراسيون د استازولۍ له لوري د الينگار ولسوالۍ په پرياني کلي کې د ۴۰ لوبډلو ترمنځ د ااا نظام څخه د ملاتړ په موخه د واليبال سيالۍ، چې ۱۵ ورځې مخکې پيل شوې وې، د پرياني لوبډلې په اتلولۍ پای ته ورسېدې.
د يادو سياليو په پايلوبه کې پرياني لوبډلې خپلې سيالې حيدري لوبډلې ته د ۰/۳ ميدانونو په توپير ماتې ورکړه او اتلولي يې خپله کړه.
ياده دې وي، چې د دغو سياليو په پای کې د ياد ولايت د ورزش امريت له لوري لومړي او دويم مقام گټونکو لوبډلو ته کپونه، مډالونه او ستاينليکونه ورکړل شول.
