لغمان؛ په الينگار ولسوالۍ کې د ۳۴ لوبډلو ترمنځ د واليبال سيالۍ پای ته ورسېدې
د لغمان ولايت د بدني روزنې او ورزش آمريت اړوند د واليبال فدراسيون د استازولۍ له لوري د الينگار ولسوالۍ په پړوايي کلي کې د ۳۴ لوبډلو ترمنځ د اا له نظام څخه د ملاتړ او د ځوانانو يووالي په موخه د واليبال سيالۍ، چې دوې اوونۍ مخکې پيل شوې وې، د ننگراج لوبډلې په اتلولۍ پای ته ورسېدې.
يادو سياليو په پايلوبه کې ننگراج لوبډلې خپلې سيالې پړوايي ب لوبډلې ته د ۰/۳ ميدانونو په توپير ماتې ورکړه او اتلولي يې خپله کړه.
ياده دې وي، چې د دغو سياليو په پای کې د ياد ولايت د ورزش آمريت له لوري لومړي او دويم مقام گټوونکو لوبډلو ته کپونه، مډالونه او ستاينليکونه ورکړل شول.
