لغمان؛ مرکز مهترلام ښار کې د ۲۰ ورزشکارانو تر منځ د هنډبال سيالۍ تر سره شوې
د لغمان ولايت د بدني روزنې او سپورټ آمريت اړوند د هنډ بال فدراسيون د استازولۍ له لوري د مهترلام ښار په ورزشي جمنازيوم کې د دوو کلبونو څخه د ۲۰ ورزشکارانو په گډون د هنډ بال سيالۍ د ستورو کلب په لومړي مقام پای ته ورسېدې.
ياده سيالۍ د ستورو او اتلانو کلبونو تر منځ ترسره شوه، چې په پايله کې د ستورو کلب مقابل کلب ته د ۱۹/۲۵ گولونو په توپير ماتې ورکړه او لومړی مقام يې خپل کړ.
د دغو سياليو د ترسراوي موخه د ننگرهار ولايت د نارنج گل سياليو لپاره د غوره څېرو موندل ياد شوي وو، چې يوه ورځ يې دوام وکړ.
د يادونې وړ ده، چې له دغو سياليو څخه د لغمان ولايت منتخبه لوبډله جوړه شوه.
په پای کې د ورزش آمريت له لوري، کلبونو ته کپونه ورکړل شول.
